Azərbaycanlı gənc Vikimedia Fondunda Afiliasiya Komitəsinə üzv seçildi

Tarix: 31 Yanvar 2020 16:58

"Vikimedia" Fondunun Gürcüstan nümayəndəliyinin rəhbəri Mehman İbrahimov Vikimedia Fondunda Afiliasiya Komitəsinə üzv seçilib.

Sonxeber.net bildirir ki, bu sözləri diaspor üzrə araşdırmaçı-ekspert Elnur Eltürk məlumat verib. 

Hazırda dünyada komitənin 8 üzvü var. Onlardan biri də Mehman İbrahimovdur. Komitə "Vikipediya" nın başqa nümayəndiklərinin hesabatlarını yoxlayır və onların Vikimedia nüməyandələri kimi təsdiq edir.

Mehman İbrahimov dünya Vikipediya icmasında tanınan isimlərdəndir. Vikimedia Fondunun təşkil etdiyi bütün tədbirlərdə iştirak edir. Xatırladım ki, Mehman İbrahimov həm də Vikipediya"nın gürcü dil bölməsində Azərbaycana aid onlarla məqalə yaradıb. 

Hazırda Azərbaycan Milli Elmlər Akademiyası Mərkəzi Elmi Kitabxanasının (MEK) "Vikipediya" Metodik Mərkəzinin təşəbbüsü, Gürcüstanın Marneuli rayonunda fəaliyyət göstərən "İnkişaf və Təhsil" Mərkəzinin və "Vikimedia" Fondunun Gürcüstan nümayəndəliyinin birgə təşkilatçılığı ilə Marneuli rayonunda gənclər üçün keçirilən "Vikipediya" təlimlər keçirilir.  Könüllülər tərəfindən Azərbaycanın görkəmli şəxsiyyətləri, elm və mədəniyyət xadimləri haqqında  "Vikipediya"nın gürc dil bölməsində onlarla məqalə yaradılıb. Bu il Marneuli "Vikipediya" Klubunun açılması nəzərdə tutulur.