Aktual mövzular: Dollar alış-satışı, Neftin qiyməti, COP29, Hava proqnozu

Türkiyə məşqçisi: Dünyada heç kim gimnastika üzrə irimiqyaslı yarışları Azərbaycan kimi keçirə bilmir

Türkiyə məşqçisi: Dünyada heç kim gimnastika üzrə irimiqyaslı yarışları Azərbaycan kimi keçirə bilmir

Tarix: 3 Fevral 2020 17:24

Bakı. Nərgiz Sadıxova - Trend:

Bədii gimnastika üzrə Türkiyə milli komandasının üzvləri Bakıda təlim-məşq toplanışlarında iştirak edirlər.

Bunu Trend-ə komandanın məşqçisi Kameliya Dunavska deyib.

O bildirib ki, Türkiyə komandasının qrup hərəkətlərdə təlim-məşq toplanışları bir həftə davam edəcək:

“Biz Azərbaycana ona görə gəlmişik ki, Milli Gimnastika Arenasında idmançıların hazırlığı üçün Türkiyədə olmayan gözəl şərait yaradılıb. Bu cür şəraitdə idmançılarımızın məşq etməsi üçün imkan yaradan Azərbaycan Gimnastika Federasiyasına təşəkkürümü bildirirəm. Fikrimcə, komandanın bütün üzvləri bu cür zalı arzulayırdılar, qızlar özünü buradan rahat hiss edir və Bakıda olmaqdan məmnundurlar”.

Məşqçi əlavə edib ki, təlim-məşq toplanışından sonra komanda yeni mövsümün ilk yarışı üçün Moskvaya yola düşəcək.

K.Dunavska, həmçinin Bakıda keçirilən yarışların möhtəşəm təşkil olunduğunu qeyd edib:

“Fikrimcə, dünyada heç kim gimnastika üzrə irimiqyaslı yarışları Azərbaycan kimi keçirə bilmir”.

Trend-in ən mühüm və maraqlı xəbərlərini "Telegram"da izləyin


Etiketlər:  Türkiyə məşqçisi Dünyada heç gimnastika üzrə irimiqyaslı yarışları Azərbaycan kimi keçirə bilmir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ