Tailandda 20 nəfəri qətlə yetirən cinayətkar zərərsizləşdirilib - YENİLƏNİB - FOTO

Tarix: 9 Fevral 2020 07:58

09.02.2019

07:57

Tailandın Nakhonratçasima şəhərində "Terminal 21" ticarət mərkəzinin ərazisində baş verən atışma zamanı 20 nəfər ölüb, 42 nəfər isə yaralanıb.

Trend-in "TASS"a istinadən verdiyi məlumata görə, bunu ölkənin Səhiyyə Nazirliyinin nümayəndəsi mətbuat konfransı zamanı deyib.

Nümayəndə bildirib: "Hazırda rəsmi olaraq ölənlərin sayı 20, yaralananların sayı isə 42 nəfər təşkil edir. Yaralananlardan 21-i artıq evə buraxılıb, 21-i isə xəsətxanalarda qalır".

Daha əvvəl 25 nəfərin öldüyü bildirilirdi.

Qeyd edək ki, ötən gün silahlı əsgər Tailandın Nakhonratçasima şəhərində hərbi düşərgədə öz komandirini və daha iki nəfəri güllələyərək oğurluq avtomobildə hadisə yerindən qaçıb.

Daha sonra ticarət mərkəzi istiqamətində hərəkət edən cinayətkar qarşısına çıxan insanlara atəş açıb və öz hərəkətlərini "Facebook" vasitəsi ilə canlı yayımlayıb. Bir müddət sonra onun "Facebook səhifəsi bağlanıb.

Cinayətkar "Terminal-21" ticarət mərkəzinə daxil olub və orada da insanlara atəş açıb. Daha sonra cinayətkar ticarət mərkəzinin ərazisində gizlənib.

Hüquq-mühafizə orqanlarının ordu ilə birlikdə cinayətkarın zərərsizləşdirilməsi üzrə keçirdikləri ilk əməliyyat uğursuz olub. Nəticədə cinayətkar 1 xüsusi təyinatlını güllələyib, daha ikisini isə yaralayıb.

----------

07:37

Tailandin Nakhonratçasima şəhərində 25 nəfəri qətlə yetirən silahlı əsgər zərərsizləşdirilib.

Trend-in "RİA Novosti"yə istinadən verdiyi məlumata görə, bu barədə ölkə polisindən bildiriblər.

Məlumata əsasən, cinayətkarın zərərsizləşdirilməsi üzrə əməliyyata Tailandın quru qoşunlarının baş komandanı və baş polis idarəsinin rəisi rəhbərlik ediblər.

Qeyd edək ki, ötən gün silahlı əsgər Tailandın Nakhonratçasima şəhərində hərbi düşərgədə öz komandirini və daha iki nəfəri güllələyərək oğurluq avtomobildə hadisə yerindən qaçıb.

Daha sonra ticarət mərkəzi istiqamətində hərəkət edən cinayətkar qarşısına çıxan insanlara atəş açıb və öz hərəkətlərini "Facebook" vasitəsi ilə canlı yayımlayıb. Bir müddət sonra onun "Facebook səhifəsi bağlanıb.

Cinayətkar "Terminal-21" ticarət mərkəzinə daxil olub və orada da insanlara atəş açıb. Daha sonra cinayətkar ticarət mərkəzinin ərazisində gizlənib.

Hüquq-mühafizə orqanlarının ordu ilə birlikdə cinayətkarın zərərsizləşdirilməsi üzrə keçirdikləri ilk əməliyyat uğursuz olub. Nəticədə cinayətkar 1 xüsusi təyinatlını güllələyib, daha ikisini isə yaralayıb.

Cinayətkar ümumilkdə 25 nəfəri qətlə yetirib, 63 nəfəri isə yaralayıb.

----------

05:32

Tailandın Nakhonratçasima şəhərində "Terminal 21" ticarət mərkəzinin ərzisində baş verən atışma zamanı ölənlərin sayı 25 nəfərə çatıb.

Trend-in "RİA Novosti"yə istinadən verdiyi məlumata görə, hüquq-mühafizə orqanlarının əməkdaşları cinayətkarın saxlanılması üzrə əməliyyat keçirərkən ticarət mərkəzində daha 4 nəfərin meyitini tapıblar. Daha əvvəl 21 nəfərin öldüyü bildirilirdi.

Bildiirlir ki, ticarət mərkəzinin binasında hələdə mülki vətəndaşlar ola bilər.

Qeyd edək ki, ötən gün silahlı əsgər Tailandın Nakhonratçasima şəhərində "Terminal 21" ticarət mərkəzinin ərazisində insanlara atəş açıb.

Hüquq-mühafizə orqanlarının ordu ilə birlikdə cinayətkarın zərərsizləşdirilməsi üzrə keçirdikləri ilk əməliyyat uğursuz olub. Nəticədə cinayətkar 1 xüsusi təyinatlını güllələyib, daha ikisini isə yaralayıb.

Hazırda cinayətkarın zərərsizləşdirilməsi üzrə tədbirlər davam etdirilir.

----------

04:01

Tailandda atışma baş verən ticarət mərkəzində partlayışlar baş verib
Bakı. Trend:

Tailandın Nakhonratçasima şəhərində 20-dən artıq insanı qətlə yetirən silahlı əsgərin gizləndiyi ticarət mərkəzində bir neçə partlayış baş verib.

Trend-in "TASS"a istinadən verdiyi məlumata görə, ticarət mərkəzinin ərazisində atışmalar da davam edir.

Daha əvvəl "Spring News" xəbər verib ki, yaxın zamanda hüquq-mühafizə orqanları cinayətkarın zərərsizləşdirilməsi üzrə daha bir əməliyyat keçirməyə hazırlaşırlar.

Eyni zamanda ölkənin Səhiyyə Nazirliyi daha əvvəl həyata keçirilən əməliyyat zamanı təhlükəsizlik qüvvələrinin bir əməkdaşının həlak olduğunu, ikisinin isə yaralandığını təsdiq edib.

Qeyd edək ki, ötən gün silahlı əsgər Tailandın Nakhonratçasima şəhərində "Terminal 21" ticarət mərkəzinin ərazisində insanlara atəş açıb. İnsident nəticəsində azı 20 nəfər həlak olub, 31 nəfər isə yaralanıb.

---------

03:00

Tailandın Nakhonratçasima şəhərində 20 nəfəri qətlə yetirən silahlı əsgər hələdə "Terminal 21" ticarət mərkəzində gizlənir.

Trend-in "RİA Novosti"yə istinadən verdiyi məlumata görə, bu barədə "Thai Rat TV" telekanalından bildiriblər.

Telekanalın məlumatında deyilir: "O binanın içərisində və ya binanın xaricində ola bilər, amma hələdə ticarət mərkəzinin ərazisindədir. Ətrafdakı bütün küçələr və yaxınlıqdakı "Dostluq" avtomobil yolu polislər və hərbçilər tərəfindən tamamilə bağlanıb, onun qaçamağa yeri yoxdur".

Daha əvvəl telekanal silahlının ticarət mərkəzindən qaçdığını və qaçarkən bir xüsusi təyinatlını öldürdüyünü, birini isə yaraladığını bildirirdi.

Qeyd edək ki, ötən gün silahlı əsgər Tailandın Nakhonratçasima şəhərində "Terminal 21" ticarət mərkəzinin ərazisində insanlara atəş açıb. İnsident nəticəsində azı 20 nəfər həlak olub, 31 nəfər isə yaralanıb.

---------

02:32

Tailandın Nakhonratçasima şəhərində insanları ticarət mərkəzində girov götürən şəxs 9 saat gizləndikdən sonra qaçmağı bacarıb.

Trend-in "RİA Novosti"yə istinadən verdiyi məlumata görə, cinayətkar çoxmərtəbəli avtomobil dayanacağında hüquq-mühafizə orqanları ilə atışma zamanı yaxınlıqdakı qaz balonuna atəş açaraq hadisə yerindən qaçıb.

İlkin məlumata əsasən, atışma zamanı bir xüsusi təyinatlı ölüb, biri isə yaralanıb. Bildirilir ki, cinayətkar binadan çıxdıqdan sonra da bir neçə dəfə atəş açıb.

Xatırladaq ki, daha əvvəl cinayətkarın ticarət mərkəzinin dördüncü mərtəbəsində 16 nəfəri girov götürdüyü bildirilirdi.

"Thai Rath" qəzetinin məlumatına əsasən, ticarət mərkəzindən təxminən min nəfər təxliyə edilib. Hadisə yeri mühasirəyə alınıb, rayonda yollar bağlanıb.

Qeyd edək ki, ötən gün silahlı əsgər Tailandın Nakhonratçasima şəhərində "Terminal 21" ticarət mərkəzinin ərazisində insanlara atəş açıb. İnsident nəticəsində azı 20 nəfər həlak olub, 31 nəfər isə yaralanıb.

-----------------

08.02.2019

21:27

Tailandın Nakhon Ratçhasima şəhərində baş verən atışma nəticəsində ölənlərin sayı 20 nəfərə, yaralananların sayı isə 21 nəfərə çatıb.

Sonxeber.net Trend-ə istinadən bildirir ki, bu barədə Tailandın Müdafiə Nazirliyinin mətbuat katibi bildirib.

Xatırladaq ki, Tailandın Nakhonratçasima şəhərində hərbi düşərgədə hərbçilərdən biri öz komandirini və daha iki nəfəri güllələyərək oğurluq avtomobildə hadisə yerindən qaçıb.

Daha sonra ticarət mərkəzi istiqamətində hərəkət edən cinayətkar qarşısına çıxan insanlara atəş açıb və öz hərəkətlərini "Facebook" vasitəsi ilə canlı yayımlayıb. Bir müddət sonra onun "Facebook səhifəsi bağlanıb.

Məlumata əsasən, hazırda cinayətkar "Terminal-21" ticarət mərkəzinin 4-cü mərtəbəsində 16 nəfəri girov götürüb. Hüquq-mühafizə orqanlarının əməkdaşları ordu ilə birlikdə cinayətkarı saxlamaq üçün əməliyyat keçirirlər.

19:54

Tailandın Nakhon Ratçhasima şəhərində atışma baş verib.

Sonxeber.net Trend-ə istinadən bildirir ki, hərbi düşərgədə hərbçilərdən biri öz kamandirini və daha iki nəfəri güllələyərək oğurluq avtomobildə hadisə yerindən qaçıb.

Daha sonra ticarət mərkəzi istiqamətində hərəkət edən cinayətkar qarşısına çıxan insanlara atəş açıb və öz hərəkətlərini "Facebook" vasitəsi ilə canlı yayımlayıb. Bir müddət sonra onun "Facebook səhifəsi bağlanıb.

Qeyd edilir ki, hadisə nəticəsində 17 nəfər həlak olub, 14 nəfər isə yaralanıb.

Məlumata əsasən, hazırda cinayətkar "Terminal-21" ticarət mərkəzinin 4-cü mərtəbəsində 16 nəfəri girov götürüb. Hüquq-mühafizə orqanlarının əməkdaşları ordu ilə birlikdə cinayətkarı saxlamaq üçün əməliyyat keçirirlər.