Aktual mövzular: Dollar alış-satışı, Neftin qiyməti, COP29, Hava proqnozu

Ermənistan ordusunda artan ölümlərə görə 2 vəzifəli şəxs işdən çıxarılıb

Ermənistan ordusunda artan ölümlərə görə 2 vəzifəli şəxs işdən çıxarılıb

Tarix: 19 Fevral 2020 21:52

Ermənistan Müdafiə Nazirliyinin (MN) Hərbi polisinin rəisi polkovnik Artur Baqdasaryan və Mənəvi-Psixoloji Təminat İdarəsinin rəisi Aleksan Aleksanyan vəzifələrindən azad ediliblər.

Sonxeber.net APA-ya istinadən xəbər verir ki, bununla bağlı bu gün Ermənistan Prezidenti Armen Sarkisyan müvafiq fərman imzalayıb.

Yuxarıda adları qeyd olunan şəxslər Ermənistanın Baş Naziri Nikol Paşinyaın təqdimatı əsasında vəzifələrindən azad olunublar.

Qeyd edək ki, son vaxtlar Ermənistan Ordusunda qeyri-döyüş şəraitində ölüm hallarının artması ilə əlaqədar fevralın 18-də Ermənistan Milli Məclisinin İnsan haqları və ictimai məsələlər komissiyasının qapalı iclası keçirilib.

Məlumatlara görə, bu ilin əvvəlindən Ermənistan Silahlı Qüvvələrində və Azərbaycanın işğal edilmiş ərazilərində qeyri-qanuni fəaliyyət göstərən silahlı dəstələrdə qeyri-döyüş şəraitində 13 erməni hərbçi ölüb. Ölümlərin əksəriyyətinin intihar olduğu bildirilir.

Artıq Ermənistan Prezidenti və Baş Naziri də orduda ölüm hallarının artmasından narahatlıqlarını ifadə ediblər, Ermənistan Prezidenti Armen Sarkisyan hətta bununla bağlı bəyanat yayıb. 


Etiketlər:  Ermənistan ordusunda artan ölümlərə görə vəzifəli şəxs işdən çıxarılıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ