Aktual mövzular: Dollar alış-satışı, Neftin qiyməti, COP29, Hava proqnozu

Koronavirusa görə diz çöküb üzr istədi - FOTO

Tarix: 2 Mart 2020 20:42

Dünyada koronavirusun ən çox yayıldığı ölkələrdən biri də Cənubi Koreyadır.

Sonxeber.net qafqazinfo-ya istinadən xəbər verir ki, burada indiyədək 4200 yoluxma, 26 ölüm faktı qeydə alınıb. Ölkədə virusa yoluxan ən gənc xəstə 45 günlük körpədir.

Cənubi Koreyada koronavirusa yolxuma faktının 60%-i Daegu şəhərindəki Shincheonji dini təriqəti ilə bağlıdır. Belə ki, hazırda 2500 nəfərin yoluxduğu şəhərdə xristianlığa bağlı olan bu təriqətin 61 yaşlı kilsə işçisi ilk dəfə Covid-19-a tutulmuş və bununla da ölkədə xəstəlik yayılmışdı. Seul hökuməti bu səbəbdən təriqəti cinayətkarlıqda ittiham edir.

Shincheonji təriqətinin lideri Li Man-hi bu gün mətbuat konfransı keçirərək diz çöküb və bütün ölkədən göz yaşları içərisində üzr istəyib. Li Man-hi bütün vətəndaşlardan və hökumət rəsmilərindən bağışlanmasını istəyirb.

Qeyd edək ki, Shincheonji təriqəti hökumətlə birgə virusa qarşı mübarizə aparmağı rədd etmiş, bəzi məlumatları isə dövlətdən gizlətmişdi.