Aktual mövzular: Dollar alış-satışı, Neftin qiyməti, COP29, Hava proqnozu

Yaponiyada məktəblərin təqribən 99 faizi karantinə riayət edir

Yaponiyada məktəblərin təqribən 99 faizi karantinə riayət edir

Tarix: 17 Mart 2020 10:08

Bakı. Trend:

Yaponiyada dövlət məktəblərin təqribən 99, özəl məktəblərinin isə 98 faizi hökumətin yeni koronavirusun yayılmasının qarşısını almaq üçün dərsləri dayandırmaq çağırışına riayət edərək fəaliyyətlərini dayandırıb.

Trend-in məlumatına görə, bu barədə yerli Kyodo agentliyi xəbər verib.

Eyni zamanda, bu gündən başlayaraq bir sıra məktəblər yeni növ koronavirusa yoluxma halları qeyd olunmadığı bölgələrdə məşğələləri bərpa ediblər. Bu, xüsusilə, ölkənin ən cənub prefekturası olan Okinava və Honsü adasında bəzi şəhərlərə aiddir. Bu barədə qərarlar onların yerli özünüidarəetmə orqanları tərəfindən qəbul edilir.

Təhsil, mədəniyyət, idman, elm və texnologiya Naziri Koiti Haqiuda Tokioda keçirilən mətbuat konfransında bildirib ki, hökumət aprel ayında başlayan yeni tədris ilində ölkə daxilində dərslərin bərpası üçün şərait yaradacaq.

Yaponiyada hazırda koronavirusa 1,5 mindən çox yoluxma halı qeydə alınıb, son gün ərzində onların sayı otuz nəfər artıb, 35 nəfər ölüb. Eyni zamanda, hökumət dəfələrlə bəyan edib ki, ölkədə fövqəladə vəziyyətin tətbiq edilməsinə əsas görmür.


Etiketlər:  Yaponiyada məktəblərin təqribən faizi karantinə riayət edir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ