Alimlərdən şirniyyat sevənlərə XƏBƏRDARLIQ

Tarix: 21 Mart 2020 01:57

Şəkərin təsiri alkoqolun istifadəsinin nəticələri ilə eynidir. Belə ki, o, əhval-ruhiyyəni dərhal yüksəldir, enerji verir və sanki insana güc gəlir.

Sonxeber.net saglamolun.az-a istinadən bildirir ki, belə bir nəticəyə Corciya Tibb Kollecinin (ABŞ) alimləri gəliblər. Material "Medical Hypotheses" jurnalında dərc olunub.

Eyni zamanda, şirniyyat narkotik kimi də təsir göstərir. Belə ki, alimlərin fikrincə, o, asılılıq yaradır, xüsusilə də depressiyadan əziyyət çəkən insanlar üçün ondan imtina etmək çətin olur.

Alimlər qeyd edirlər ki, şirniyyatdan müntəzəm istifadə əhvalın pisləşməsinə, daxili iltihabın güclənməsinə və çəkinin artmasına gətirib çıxarır.

Şəkər artıq çəkidən əziyyət çəkən insanlara xüsusilə zərərlidir, çünki o, orqanizmin sirkad ritmlərini pozur və ürək-damar xəstəliklərinin yaranmasının riskini artırır.