Aktual mövzular: Dollar alış-satışı, Neftin qiyməti, COP29, Hava proqnozu

Daha 2 min nəfər ödənişli ictimai işlərə cəlb olundu - FOTO

Daha 2 min nəfər ödənişli ictimai işlərə cəlb olundu - FOTO

Tarix: 20 Aprel 2020 18:58

DOST İş Mərkəzi vasitəsilə daha 2 min nəfər ödənişli ictimai işlərə cəlb olundu.

Əmək və Əhalinin Sosial Müdafiəsi Nazirliyindən Sonxeber.net-a verilən məlumata görə, həmin işlərdə çalışanların sayı artıq 49 mindir və bu say 90 minə çatdırılacaq.

Bildirilib ki, Prezident İlham Əliyevin tapşırığına əsasən ödənişli ictimai iş yerlərinin 37 mindən 90 minə çatdırılması istiqamətində işlər davam edir.

Bu işlər çərçivəsində daha 2 min nəfər Əmək və Əhalinin Sosial Müdafiəsi Nazirliyinin DOST İş Mərkəzi vasitəsi ilə ödənişli ictimai işlərə cəlb olunub. Beləliklə, 37 min ödənişli ictimai işçidən əlavə, son günlərdə 12 min nəfər də haqqı ödənilən ictimai işlər proqramına cəlb edilib. Həmin işlərdə çalışanların sayı artıq 49 mindir və bu say 90 minə çatdırılacaq.

Yeni yaradılan ictimai iş yerləri əsasən dezinfeksiya işlərinin aparılması, tənha yaşlılara və əlilliyi olan şəxslərə sosial xidmətlərin göstərilməsi və s. kimi sahələri əhatə edir.

DOST İş Mərkəzi ilə ödənişli ictimai işlərə cəlb olunan şəxslər arasında əmək müqaviləsi bağlanılaraq elektron sistemdə qeydiyyatdan keçirilərək rəsmiləşdirilir.


Etiketlər:  Daha nəfər ödənişli ictimai işlərə cəlb olundu FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ