Aktual mövzular: Dollar alış-satışı, Neftin qiyməti, COP29, Hava proqnozu

Meliorasiya və Su Təsərrüfatı ASC tərəfindən 5 350 tənha yaşlıya və aztəminatlı ailəyə ərzaq yardımı edilib

Meliorasiya və Su Təsərrüfatı ASC tərəfindən 5 350 tənha yaşlıya və aztəminatlı ailəyə ərzaq yardımı edilib

Tarix: 28 Aprel 2020 11:57

Bakı. Trend:

Meliorasiya və Su Təsərrüfatı ASC tərəfindən 5 350 tənha yaşlıya və aztəminatlı ailəyə ərzaq yardımı edilib.

Bu barədə Əmək və Əhalinin Sosial Müdafiəsi Nazirliyindən Trend-ə bildirilib.

Qeyd edilib ki, ölkəmizdə tənha yaşlılara və digər həssas əhali qruplarına ərzaq yardımlarının göstərilməsi işləri davam edir.

Məlumata görə, bu istiqamətdə sosial dəstək aksiyaları keçirən sosial tərəfdaşlardan biri də Meliorasiya və Su Təsərrüfatı Açıq Səhmdar Cəmiyyətidir. Son günlərdə Meliorasiya və Su Təsərrüfatı ASC tərəfindən Bakıda və respublikamızın bölgələrində ümumilikdə 5350 tənha yaşlıya və aztəminatlı ailəyə ərzaq yardımı verilib.

Ərzaq payları sosial xidmətçilərlə birgə tənha yaşlıların, aztəminatlı ailələrin evlərinə aparılaraq onlara çatdırılıb.

Keçirilən belə sosial aksiyalar ölkəmizdə pandemiya dövründə milli həmrəyliyin güclənməsinin növbəti təzahürü və yaşı 65-dən yuxarı tənha yaşayan şəxslərin, aztəminatlı ailələrin rifahına dəstək sahəsində dövlətin apardığı işlərə bir dəstəkdir.


Etiketlər:  Meliorasiya Təsərrüfatı tərəfindən tənha yaşlıya aztəminatlı ailəyə ərzaq yardımı edilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ