Aktual mövzular: Dollar alış-satışı, Neftin qiyməti, COP29, Hava proqnozu

Prezident İlham Əliyev Milli Məclisin daxili nizamnaməsinə dəyişikliyi təsdiqlədi

Prezident İlham Əliyev Milli Məclisin daxili nizamnaməsinə dəyişikliyi təsdiqlədi

Tarix: 28 Aprel 2020 15:45

Prezident İlham Əliyev Azərbaycan Respublikasının 1996-cı il 17 may tarixli 74-IQ nömrəli Qanunu ilə təsdiq edilmiş "Azərbaycan Respublikası Milli Məclisinin Daxili Nizamnaməsi"ndə dəyişiklik edilməsi barədə Azərbaycan Respublikasının Qanunu təsdiqləyib.

Sonxeber.net AZƏRTAC-a istinadən bildirir ki, "Azərbaycan Respublikası Milli Məclisinin Daxili Nizamnaməsi"nin 3-cü maddəsinə aşağıdakı məzmunda səkkizinci hissə əlavə edilib:

"Karantin rejiminin tətbiq edilməsi, sanitariya-epidemioloji və bu kimi digər tədbirlərlə əlaqədar Milli Məclisin 42 deputatının müraciəti əsasında Milli Məclisin Sədri Milli Məclisin iclaslarının, habelə Milli Məclisin komitə və komissiyalarının iclaslarının müəyyən dövr üçün real vaxt rejimində videokonfrans sistemi vasitəsilə keçirilməsi barədə sərəncam qəbul edir. Videokonfrans sistemi vasitəsilə keçirilən iclaslarda qeydiyyat və səsvermə deputatların gücləndirilmiş elektron imzaları vasitəsilə həyata keçirilir".

Qeyd edək ki, bu Qanun 2020-ci il dekabrın 30-dək qüvvədədir.


Etiketlər:  Prezident İlham Əliyev Milli Məclisin daxili nizamnaməsinə dəyişikliyi təsdiqlədi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ