Aktual mövzular: Dollar alış-satışı, Neftin qiyməti, COP29, Hava proqnozu

Pərviz Abdullayev, nəhayət, Dominikanı TƏRK ETDİ - Bu gün Bakıda olacaq - FOTO

Tarix: 14 May 2020 09:58

Türkiyənin "TV8" telekanalında yayımlanan "Survivor" realiti-şousunu tərk edən həmyerlimiz, "Kobra" ləqəbi ilə tanınan kikboksinq üzrə altıqat dünya çempionu Pərviz Abdullayev 3 aydan sonra Dominikandan İstanbula gəlib.

Sonxeber.net xəbər verir ki, bununla bağlı Pərviz sosial şəbəkə hesabından paylaşımlar edib. Azərbaycanlı idmançı təyyarədən çəkdiyi fotolarını təqibçilərinin ixtiyarına verib.

Qeyd edək ki, Pərviz bu gün xüsusi çarter reysi ilə İstanbuldan Bakıya yola düşəcək.

Xatırladaq ki, təxminən bir ay əvvəl Pərviz Abdullayev kifayət qədər SMS toplamayıb yarışı tərk etsə də, COVİD-19 epidemiyasına görə ölkələrin sərhədlərinin bağlı olması ilə əlaqədar ailəsinin yanına dönə bilmirdi.

Məhəmməd Vaqif