Romada Rafaelin ölümünün 500 illiyinə həsr olunmuş sərgi iyunda keçiriləcək

Tarix: 24 May 2020 04:15

Bakı. Trend:

İtaliyada intibah dövrünün simvolu Rafaelin ölümünün 500 illiyi münasibətilə təşkil edilməli olan, koronavirus pandemiyası səbəbindən açıldıqdan bir neçə gün sonra bağlanan sərgi əvvəlcə bağlanacağı planlaşdırıldığı tarixdə açılacaq.

Trend-in məlumatına görə, əvvəl sərginin 5 Mart - 2 İyun tarixlərində keçirilməsi planlaşdırılıb. Lakin martın 10-da İtaliyada qüvvəyə minən karantin tədbirləri səbəbindən sərgi başlanmasından bir neçə gün sonra bağlanıb.

"Sərgi üçün kolleksiyalar dünyanın 55 qurumundan toplanıb. Bu vacib sərgini keçirmək üçün ikinci şansımız var", - tədbirin kuratoru Matteo Lafrankoni deyib.

Rəssamın 1483-cü ildən 1520-ci ilə qədər yaratdığı sənət əsərlərinin nümayişi iyun ayının 2-də başlayacaq. Təşkilatçılar bəzi məhdudiyyətlərin hələ qaldırılmadığına görə sərgiyə daha çox insanın girilməsinə icazə vermək üçün nümayiş saatlarını uzadacaqlarını bildiriblər.