Aktual mövzular: Dollar alış-satışı, Məzənnə, Neftin qiyməti

Bakıda Azərbaycan və Britaniya hərbi orkestrləri birgə çıxışlar edəcək

Bakıda Azərbaycan və Britaniya hərbi orkestrləri birgə çıxışlar edəcək

Tarix: 12 Iyun 2019 20:16

Bakı. Trend:

Bakıda Azərbaycan və Böyük Britaniya hərbi orkestrlərinin birgə nümunəvi çıxışları təşkil ediləcək.

Bu barədə Trend-ə Müdafiə Nazirliyindən məlumat verilib.

Məlumatda qeyd edilir ki, Azərbaycanla Böyük Britaniya və Şimali İrlandiya Birləşmiş Krallığının Müdafiə Nazirlikləri arasında hərbi əməkdaşlıq planına əsasən Böyük Britaniya və Şimali İrlandiya Kral Ordusunun “The Salamanca Band & Bugles of The Rifles” hərbi orkestri növbəti dəfə ölkəmizə səfər edib.

Səfər çərçivəsində iyunun 13-də saat 18:30-da Fəvvarələr meydanında açıq səma altında Azərbaycan Müdafiə Nazirliyinin Əlahiddə Nümunəvi Hərbi Orkestrinin və Böyük Britaniya və Şimali İrlandiya Kral Ordusunun “The Salamanca Band & Bugles of The Rifles” hərbi orkestrinin konserti və birgə nümunəvi çıxışları təşkil ediləcək.

Orkestrlər hərbi vətənpərvərlik mahnıları, müxtəlif marşlar, Azərbaycan, ingilis və dünya bəstəkarlarının tanınmış müasir və klassik musiqi əsərlərindən parçalar səsləndirəcəklər.


Etiketlər:  Bakıda Azərbaycan Britaniya hərbi orkestrləri birgə çıxışlar edəcək

ƏN ÇOX OXUNAN XƏBƏRLƏR




RƏYLƏR


Populyar Xəbərlər

XƏBƏR LENTİ