Aktual mövzular: Dollar alış-satışı, Neftin qiyməti, COP29, Hava proqnozu

İranda qızıl sikkə bahalaşıb

İranda qızıl sikkə bahalaşıb

Tarix: 16 Iyun 2020 18:40

Bakı. Elnur Bağışov - Trend:

Bu gün İranda yeni formada basılan 1 “Bahar Azadi” qızıl sikkəsinin qiyməti 77,1 milyon riala (təxminən 1,835 dollar) alqı-satqı olunub.

Trend-in məlumatına görə, İranın qızıl bazarında qızıl sikkələrin qiymətində artım müşahidə olunur. Bu barədə Trend IRNA-ya istinadən məlumat verib.

Halbuki ötən gün İran bazarında bu sikkənin qiyməti 77 milyon riala (təxminən 1,833 dollar) olub.

Qədim formada basılan 1 “Bahar Azadi” qızıl sikkəsinin qiyməti isə 74 milyon riala (təxminən 1,761 dollar) satılıb.

Yarım qızıl sikkə 38,1 milyon rial (təxminən 907 dollar), 1/4 qızıl sikkə isə 20,7 milyon riala (təxminən 492 dollar) alqı-satqı edilib.

Qeyd edək ki, İranda İslam İnqilabının qələbəsindən (1979) sonra İranın Mərkəzi Bankı tərəfindən “Bahar Azadi” adlı qızıl sikkə basılır və topdan və pərakəndə şəkildə satışa çıxarılır. Qədim formada qızıl sikkələr 1979-dan 1991-ci ilədək basılıb və həmin tarixdən sonra yeni formada qızıl sikkələr basılmağa başlayıb.


Etiketlər:  İranda qızıl sikkə bahalaşıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ