Aktual mövzular: Dollar alış-satışı, Neftin qiyməti, COP29, Hava proqnozu

Müdafiə Nazirliyinin növbəti hərbi hissələrindən birinin açılışı olub

Tarix: 24 Iyun 2020 15:42

Müdafiə Nazirliyinin növbəti hərbi hissələrindən birinin açılışı olub
Müdafiə nazirinin maddi-texniki təminat üzrə müavini general-leytenant Fuad Məmmədov "N" nömrəli hərbi hissəsinin yeni inşa edilmiş infrastrukturunun açılışında iştirak edib.

Müdafiə Nazirliyindən Milli.Az-a verilən məlumata görə, Müdafiə nazirinin müavini hərbi hissədə yeni inşa edilmiş yeməkxana, qarovul şəhərciyi və qarovul evi, eləcə də digər xidməti və inzibati obyektlərə baxış keçirib.

Şəxsi heyətin qidalanması üçün nəzərdə tutulan yeni tikilmiş yeməkxana binası müasir standartlara cavab verən qazanlar, sobalar, soyuducular və digər məişət texnikası, müvafiq mebel və inventarla təchiz olunub. Yeməkxanada soyuducu kamera otaqlarından ibarət ərzaq anbarı var.

Məlumat verilib ki, hərbi hissədə şəxsi heyətin peşəkar hazırlığı və döyüş vərdişlərinin artırılması üçün bütün lazımi şərait yaradılıb.

Milli.Az

Whatsapp ilə göndər