Aktual mövzular: Dollar alış-satışı, Neftin qiyməti, COP29, Hava proqnozu

Şəhidin atası: “Sonuncu dəfə babası ilə danışmışdı”

Tarix: 13 Iyul 2020 12:54

Sonuncu dəfə babası ilə danışmışdı. "Hər şey yaxşıdır, məndən narahat qalmayın" deyib. Hər birimizə salam-dua, sevgilər göndərib.

Sonxeber.net xəbər verir ki, bunu oxu.az-a iyulun 13-nə keçən gecə Azərbaycan - Ermənistan dövlət sərhədinin Tovuz istiqamətində baş verən döyüşlərdə şəhid olan, bu gün doğulduğu rayonda torpağa tapşırılan şəhidimiz Xəyyam Daşdəmirovun atası Məhəmməd Daşdəmirov deyib.

Şəhid atası oğlunun mərd, vətəni canından çox sevən olduğunu deyib:

"Xəyyam torpağına bağlı oğul idi. Çox vətənpərvər ruhda bir əsgər idi. Hər dəfə onunla telefonda danışanda "Məndən narahat olmayın, vətənimə xidmət edirəm" deyirdi. Sonuncu dəfə Xəyyam babası ilə danışmışdı.

İki gün əvvəl babası ilə hər birimizə salamlarını, sevgilərini göndərmişdi. İndi isə oğlum şəhid oldu. Vətən sağ olsun. Bütün şəhid ailələrinə səbr diləyirəm. Allah rəhmət eləsin".

Şəhidin əmisi Cümşüd Daşdəmirov da Vətən uğrunda şəhid olan bütün oğullara Allahdan rəhmət diləyib:

"Bizim üçün çox ağırdır. Xəyyam çox cəsur, igid oğul idi. Vətən yolunda xidmətə getdi. Vətən yolunda da canından keçdi. Allah bütün şəhidlərə rəhmət eləsin!"

Whatsapp ilə göndər