Azərbaycan-Ermənistan sərhədində baş verən hadisələr Niderland mətbuatında işıqlandırılıb

Tarix: 16 Iyul 2020 14:45

Azərbaycan-Ermənistan sərhədində baş verənlər hadisələr Niderland mətbuatında da işıqlandırılıb.

Milli.Az Trend-ə istinadən xəbər verir ki, Niderlandın "nu.nl" mətbuat orqanında yayımlanan məqalədə bildirilir ki, Ermənistan və Azərbaycan arasında baş verən atışmada bir neçə yüksək rütbəli zabit də daxil olmaqla 12 nəfər həlak olub:

"1990-cı illərdə Dağlıq Qarabağ bölgəsində ölkələr müharibə etdilər, lakin son münaqişə bölgədən təxminən 300 kilometr şimalda, Tovuz rayonu yaxınlığında baş verdi.

Bazar günü, Tovuzda 1994-cü il sazişi pozuldu. Hər iki ölkə bir-birini günahlandırır və o vaxtdan bəri atəşkəs pozulur.

Bu günə qədər yeddi Azərbaycan əsgəri və bir mülki şəxs həlak olub. Ermənilər tərəfdən, Ermənistanın rəsmi məlumatına görə, dörd əsgər şəhid oldu.

Ölən azərbaycanlılar arasında yüksək rütbəli zabitlər var: general-mayor və polkovnik. Ermənistan isə mayor və kapitanını itirdi.

Rusiya və NATO hər iki ölkəni sülh yolu ilə həll tapmağa çağırır. Moskva vasitəçi rolunu öz üzərinə götürdü. Türkiyə güclü əlaqələri olan Azərbaycana edilən hücumlara qarşı çıxacağını söyləyir.

Sərhəddə atışmalar daha tez-tez baş verdi, lakin 2016-cı ildə son gərginlik böyük bir qarşıdurmaya, dördgünlük müharibəyə çevrildi. Bu, yalnız ABŞ, Fransa və Rusiyanın vasitəçiliyindən sonra başa çatdı.

Beynəlxalq birlik Dağlıq Qarabağı Azərbaycanın bir hissəsi kimi tanıyır. Sovet İttifaqının dağılmasından sonra həmin ərazi erməni separatçıları tərəfindən müstəqil respublika elan edilib".

Milli.Az