Sevil Mikayılova: ''Birlik və bərabərlik, xeyirxahlıq və mərhəmət Prezident İlham Əliyev və Birinci xanım Mehriban Əliyevanın cəmiyyətimizə aşıladığı ən ali dəyərlərdir''

Tarix: 2 Avqust 2020 13:39

Bu günlərdə qeyd etdiyimiz İslam ümmətinin ən əzız bayramlarından olan Qurban bayramı xalqımızın illərin sınağından keçmış milli və dini köklərə sadiqliyinin ən parlaq təntənəsidir.

Sonxeber.net bildirir ki, bunu Trend-ə Milli Məclisin deputatı Sevil Mikayılova deyib.

S.Mikayılova bildirib ki, insanları mənəvi saflığa və xeyirxah amallar uğrunda hər cür fədakarlığa hazır olmağa səsləyən bu müqəddəs İslam bayramı cəmiyyətdə ali insani dəyərlərin daha da güclənməsinə xidmət edir:

"Cəmiyyətimizdə hökm sürən birlik və həmrəylik, dinclik və əminamanlıq, təhlükəsizlik və sabitlik bu gün əldə etdiyimiz əvəzsiz uğurumuzdur. Birlik və bərabərlik, xeyirxahlıq və mərhəmət Prezident İlham Əliyev və Birinci xanım Mehriban Əliyevanın cəmiyyətimizə aşıladığı və bəxş etdiyi ən ali dəyərlərdir.

Qlobal pandemiya səbəbindən yaşadığımız hazırkı çətin şəraitdə belə Qurban Bayramı ümumxalq bayram olaraq lazımı dini qaydalara əməl olunaraq kecirildi.

Əsrlərin sınağından keçıb günümüzə qədər gəlib çatan dəyərlərimiz və ənənələrimiz milli mənimizin yaşadılmasında əvəzsiz rol oynayıb. Əsrlərdən bəri müxtəlif xalqların və dinlərin dinclik və əminamanlıq şəraitində yaşadığı ölkəmizdə nümunəvi birgəyaşayış mühiti formalaşıb".

Deputat bildirib ki, Azərbaycan Prezidenti İlham Əliyevin Qurban bayramı münasibətilə xalqa müraciətində bəyan etdiyi kimi, "Yüz illərdir ki, ayrı-ayrı xalqların və dinlərin mənsublarının mehriban ailə kimi yaşadıqları Azərbaycanda qarşılıqlı hörmət və etimada əsaslanan nümunəvi birgəyaşayış mühitinin formalaşmasında və etnik-mədəni müxtəlifliyin günümüzədək qorunub saxlanılmasında İslam dininin müstəsna rolu olmuşdur".

S.Mikayılova qeyd edib ki, güclü Azərbaycan dövləti hər bir vətəndaşımızın təhlükəsizliyinin qarantıdır:

"Bu günlərdə Azərbaycanın dövlət sərhədində növbəti erməni təxribatını rəşadətlə dəf edən Silahlı Qüvvələrimiz hər bir azərbaycanlının qürur mənbəyidir. Sözün əsl mənasında qəhrəmanlıq tarixi yazan şəhidlərimizlə fəxr edirik. Milli müstəqilliyimiz və torpaqlarımızın bütövlüyü uğrunda həyatını itirən hərbçilərimizi bayram günlərində ehtiramla yad edirik. Əminik ki, Azərbaycan Prezidenti, Ali Baş Komandan İlham Əliyevin rəhbərliyi altında Azərbaycan Ordusu torpaqlarımızı düşmən tapdağından azad edəcək, tam və qəti qələbə qazanacaq".