Aktual mövzular: Dollar alış-satışı, Neftin qiyməti, COP29, Hava proqnozu

Bakıdakı COVİD-19 xəstəxanalarında doluluq səviyyəsi 30-35 faizə enib - TƏBİB

Bakıdakı COVİD-19 xəstəxanalarında doluluq səviyyəsi 30-35 faizə enib - TƏBİB

Tarix: 5 Avqust 2020 16:48

Bakı şəhərində COVİD-19 xəstəxanalarında doluluq səviyyəsi 30-35, rayonlarda isə 20 faizə enib.

Sonxeber.net Trend-ə istinadən bildirir ki, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı deyib.

Onun sözlərinə görə, amma reanimasiya şöbələrindəki yataqlarda doluluq faizi yüksəkdir:

"Dünya ölkələrində də bu vəziyyəti görmək olar. Dünyada xəstəliyin yoluxma sürəti məhdudlaşdırılıb, amma xəstəliyin ağır keçirilmə tendensiyası var. Buna görə də reanimasiya yataqlarında doluluq var".

Boş çarpayı sayının sürətlə artmasına səbəb olan amillər haqqında danışan R.Bayramlı qeyd edib ki, əvvəl orta çarpayı günü 14-15 gün təşkil edirdi:

"Amma təcrübə qazandıqca, xəstəliyin gedişatı barədə tibbi məlumatlar çoxaldıqca xəstələri daha erkən evə yaza bilirik. Bəzi xəstəxanalarda bu müddət artıq 7 günədək enib. Bəzi xəstəxanalarda isə bu müddət 8-10 gündür. Təlimlər keçdikcə bu rəqəmi daha da aşağı sala biləcəyik".


Etiketlər:  Bakıdakı COVİD xəstəxanalarında doluluq səviyyəsi faizə enib TƏBİB


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ