Aktual mövzular: Dollar alış-satışı, Neftin qiyməti, COP29, Hava proqnozu

“Samsung” koronavirusun aşkarlanması üçün mərkəz açıb

Tarix: 6 Avqust 2020 09:00

"Samsung" koronavirusun aşkarlanması üçün mərkəz açmaqla belə laboratoriyaya malik ilk Cənubi Koreya şirkəti olub.

Milli.Az ictnews.az-a istinadən bildirir ki, şirkət əməkdaşlarının koronavirus infeksiyasının aşkarlanması üçün testlər aparacaq mərkəz Xvason şəhərində yerləşir. Laboratoriya Cənubi Koreya nəhənginin yarımkeçirici məhsullar istehsalı üzrə zavodun tərkibinə daxildir.

Məlumata görə, mərkəzdə həm nümunələrin toplanılması, həm də tədqiqatların aparılması və digər vəzifələrə görə məsul olan altı mütəxəssis çalışacaq. "Samsung" nümayəndələrinin sözlərinə görə, laboratoriya şirkətdə çoxlu mütəxəssisin çalışması səbəbindən koronavirus epidemiyası dövründə vaxta qənaətə xidmət edəcək.

Şirkət ölkənin digər şəhərlərində də analoji mərkəzlər açmağı planlaşdırır.

Milli.Az

Whatsapp ilə göndər