Aktual mövzular: Dollar alış-satışı, Məzənnə, Neftin qiyməti

Bu müəllimlərin apellyasiya müraciətləri üçün qeydiyyat başlanılır

Bu müəllimlərin apellyasiya müraciətləri üçün qeydiyyat başlanılır

Tarix: 20 Avqust 2020 11:33

Bakı. Trend:

Avqustun 21-dən müddətsiz əmək müqaviləsinin bağlanması məqsədilə keçirilən müsahibələrdə uğur qazanmayan namizədlərin apellyasiya müraciətləri üçün qeydiyyat başlanılır.

Təhsil Nazirliyindən Trend-ə verilən məlumata görə, sözügedən müsahibələrdə uğur qazanmayan namizədlər 24 avqust saat 23:59-dək şəxsi səhifələrinə daxil olaraq apellyasiya müraciətlərini təsdiq edə bilərlər.

Namizədlərin apellyasiya müraciətlərinə baxılması məqsədilə təkrar onlayn müsahibələr keçiriləcək. Apellyasiya müraciətini təsdiq edən namizədlərin şəxsi səhifəsinə keçiriləcək onlayn müsahibənin vaxtı barədə məlumat göndəriləcək.

Qeyd edək ki, dövlət ümumi təhsil müəssisələrində müddətli əmək müqaviləsi ilə çalışan müəllimlərlə müddətsiz əmək müqaviləsinin bağlanması məqsədilə 4-20 may 2020-ci il tarixləri aralığında, eyni zamanda 10 iyul 2020-ci il tarixində onlayn müsahibələr keçirilib.


Etiketlər:  Bu müəllimlərin apellyasiya müraciətləri üçün qeydiyyat başlanılır


RƏYLƏR