Aktual mövzular: Dollar alış-satışı, Neftin qiyməti, COP29, Hava proqnozu

“Facebook”un köhnə dizaynı sentyabrda tamamilə deaktiv ediləcək

Tarix: 25 Avqust 2020 07:12

"Facebook" şirkəti 2019-cu ildə təqdim edilmiş yenilənmiş interfeysə son keçidi elan edib. Gələn aydan etibarən sosial şəbəkənin yeni versiyasından klassik versiyasına keçid mümkün olmayacaq.

Sonxeber.net ictnews.az-a istinadən bildirir ki, "Facebook"un 15 il mövcudluğu ərzində ən mühüm yenidən dizaynı ötən ilin mayında "F8" konfransında şirkətin direktoru Mark Zukerberq təqdim edib. Yuxarı hissədən göy rəngli başlıq aradan qaldırılıb, şriftin ölçüsü artırılıb, qara rəngli interfeys tətbiq edilib, interfeys isə daha işıqlı rəng tonlarında işlənilib.

"Facebook"un yeni dizaynı ilk olaraq "iOS" və "Android" üçün mobil proqramlarda aktivləşdirilib, bu ilin mayından etibarən isə kompüterlərdə başlanğıc ayar olaraq istifadə olunmağa başlanılıb. Bununla belə, istifadəçilər istənilən vaxt köhnə versiyaya keçid etmək imkanına malik olublar.

"Facebook"un məlumat xidmətinə istinadən "Engadget" nəşri yazıb ki, sentyabrda sosial şəbəkənin köhnə versiyası tamamilə deaktiv ediləcək.

Whatsapp ilə göndər