Aktual mövzular: Dollar alış-satışı, Neftin qiyməti, COP29, Hava proqnozu

Tibbi maskaların ölkədən aparılmasına olan qadağa ləğv edilib

Tarix: 1 Sentyabr 2020 14:42

Bakı. Trend:

Nazirlər Kabineti “Bəzi malların ölkə ərazisindən aparılmasının müvəqqəti olaraq məhdudlaşdırılmasına dair tədbirlər haqqında” 2020-ci il 14 fevral tarixli 42 nömrəli qərarında dəyişiklik edib.

Nazirlər Kabinetindən Trend-ə verilən məlumata görə, Baş nazir Əli Əsədovun imzaladığı sənədə əsasən, Qərarın qüvvədə olma müddəti sentyabrın 1-dən noyabrın 1-dək uzadılıb.

Eyni zamanda “Yeni koronavirus (COVID-19) infeksiyası ilə mübarizədə ehtiyacların təmin edilməsi məqsədilə Azərbaycan Respublikasının gömrük ərazisindən aparılması məhdudlaşdırılan malların Siyahısı” üzrə 5-ci sətrin “Malın adı” sütununda “3001 və 3006 mal mövqelərində” sözləri “3001, 3006 mal mövqelərində və 3005 90 100 0 alt yarımmövqeyində” sözləri ilə əvəz edilir; 12-ci sətrin “Malın adı” sütunundan “maskalar və” sözləri çıxarılır.

Azərbaycan Respublikasının gömrük ərazisindən aparılması məhdudlaşdırılan malların Siyahısı

*Sıra* *№-si*	*XİF MN üzrə kod*	*Malın adı*
1	2	3
1.	2207 10 000 0	Spirtin qatılığı 80 həcm % və ya daha çox olan denaturasiya olunmamış etil spirti
2.	2207 20 000 0	Hər hansı bir qatılıqda denaturasiya olunmuş etil spirti və digər alkoqollu tinkturalar
3.	2208 90 910 0	Spirtin qatılığı 80 həcm %-dən az olan denaturasiya olunmamış etil spirti: tutumların həcmi 2 litr və ya daha az olan
4.	2208 90 990 0	Spirtin qatılığı 80 həcm %-dən az olan denaturasiya olunmamış etil spirti: tutumların həcmi 2 litrdən çox olan
5.	Qrup 30-dan	Əczaçılıq məhsulları (pərakəndə satış üçün formalarda və ya qablaşmalara qablaşdırıl-mayan tənzif və tənzif məmulatları, habelə 3001 və 3006 mal mövqelərində təsnifləşdirilənlər istisna olmaqla)
6.	3808 94-dən	Dezinfeksiyaedici vasitələr
7.	3822 00 000 0-dan	Koronavirus (COVID-19) infeksiyasının müəyyən edilməsi üçün testlər
8.	3926 20-dən	Baxillər
9.	4015 19-dan	Steril və qeyri-steril əlcəklər
*10.*	5603-dən	Tibbi (cərrahiyyə əməliyyatı və ya prosedur üçün) maskaların və respiratorların, tibbi personal tərəfindən istifadə olunan birdəfəlik qoruyucu geyimlərin (kombinezonların) istehsalında istifadə olunan parçalar
*11.*	6210 10-dan	Tibbi personal tərəfindən istifadə olunan birdəfəlik qoruyucu geyimlər (kombinezonlar)
*12.*	6307 90-dan	Tibbi (cərrahiyyə əməliyyatı və ya prosedur üçün) maskalar və respiratorlar, tibbi personal tərəfindən istifadə olunan birdəfəlik qoruyucu geyimlər (kombinezonlar)
*13.*	9004 90-dan	Tibbi personalın istifadəsi üçün hermetik qoruyucu eynəklər
*14.*	9019 20 000 0	Ozon, oksigen və aerozol terapiyası, süni tənəffüs aparatı və ya digər terapevtik tənəffüs aparatı
*15.*	9025 19-dan	İnsan hərarətinin təmassız ölçülməsi üçün elektron portativ termometrlər