“Lenovo” dünyada RTX videokartı ilə təchiz edilmiş ən yüngül noutbuk təqdim edib

Tarix: 3 Sentyabr 2020 08:28

"Lenovo" dünyada RTX videokartı ilə təchiz edilmiş ən yüngül oyun noutbukunu təqdim edib.
 
Sonxeber.net ictnews.az-a istinadən bildirir ki, "Legion Slim 7i" adlandırılmış noutbukun ekranının diaqonalı 15,6 düym təşkil edir. Ekranın yeniləmə tezliyi 144 Hs-dir, ümumilikdə kompüter 60 Hs-dən başlayaraq üç rejimdə işləyə bilər. Korpusun qalınlığı 18 mm-ə bərabərdir, bu halda ona "NVIDIA GeForce RTX 2060 Max Q" videokartı əlavə edilib. Qurğunun çəkisi 1,76 kq-dır. "Legion Slim 7i" noutbuku qabaqcıl "Intel Core i9" prosessoru ilə təchiz edilib.
 
Cihaz yaxşı soyutma sisteminə malikdir. "Legion Y740Si" modeli ilə müqayisədə hava axını 31% artırılıb. Noutbukun klaviaturasında RGB işıq reallaşdırılıb.
 
Oktyabrın 26-dan Avropada satışa çıxarılacaq "Legion Slim 7i" noutbukunun qiyməti 1299 avrodan başlanır.