Aktual mövzular: Dollar alış-satışı, Neftin qiyməti, COP29, Hava proqnozu

Samsung ən sürətli NVMe SSD-sini təqdim etdi: 980 Pro

Samsung ən sürətli NVMe SSD-sini təqdim etdi: 980 Pro

Tarix: 3 Sentyabr 2020 22:52

Samsung şirkəti istehsal etdiyi çiplər və SSD-lər ilə ekosistemdə öz fərqini ortaya qoyur. Keçən il təqdim etdiyi həm performansı, həm uzun ömrü ilə bilinən 970 Pro SSD-sinin yeni versiyası olan 980 Pro təqdim edildi. Yeni SSD-nin 3 fərqli yaddaşa malik versiyası olacaq: 250 GB, 500 GB və 1 TB. Qeyd edək ki, bu SSD PCİe 4.0 interfeysini dəstəkləyir. Bu o deməkdir ki, bu cihaz ekosistemdəki ən yenə və ən sürətli ötürmə protokoluna malikdir.

Yeni SSD-lər hal-hazırda SSD ekosistemindəki ən sürətli fayl ötürmə protokolu olan PCİe 4.0-ı dəstəkləyir. Hər üçün model NVMe tipli SSD olub 2280 form faktoruna malikdir. Həmçinin SSD-nın qızmaması üçün üzərində nikel təbəqə istifadə edilib. Həm ön, həm arxa tərəfində incə mis təbəqələrdən ibarət qoruyucular mövcuddur. Samsung şirkəti optimal temperatur dərəcəsini qorumaq üçün Dynamic Thermal Guard adlı texnologiyadan istifadə edib. Aşağıda paylaşdığımız şəkildən gördüyünüz kimi 1 TB-lik versiyası saniyədə 7 GB fayl oxuya bilir, saniyədə 5 GB isə fayl yaza bilir. Bu o deməkdir ki, bu SSD ilə saniyədə 5 -7 GB arasında fayl transferi etmək mümkündür. Bu SSD-nin satış qiyməti isə hələki bəlli deyil, lakin onu deyə bilərik ki, Pro markalı Samsung SSD-lərin qiyməti biraz "duzlu" olur.


Etiketlər:  Samsung sürətli NVMe sini təqdim etdi


RƏYLƏR



Populyar Xəbərlər

XƏBƏR LENTİ