Aktual mövzular: Dollar alış-satışı, Neftin qiyməti, COP29, Hava proqnozu

Ankarada kiberterrorizm əməliyyatı keçirilib

Tarix: 3 Sentyabr 2020 23:16

Türkiyənin paytaxtı Ankara şəhərinfə PKK/KCK terror təşkilatının hakerlərinə qarşı əməliyyat keçirilib.

Sonxeber.net ted.az-a istinadən bildirir ki, Ankara Baş Prokurorluğu PKK/KCK terror təşkilatı adından kiberhücumlar törətmiş 21 nəfərin saxlanılmasına dair qərar qəbul edib.

Baş Prokurorluğun məlumatında bildirilir ki, Terror Aktlarının Təhqiqatı Bürosu PKK/KCK silahlı terrorçu təşkilatının üzvü kimi müəyyən edilmiş və təşkilatın göstərişi ilə fəaliyyət göstərən "Mezopotamia Hackers" qrupuna aid 21 şübhəli şəxsə qarşı istintaqa başlayıb.

Bəyanatda qeyd olunur ki, şübhəli şəxslər 81 əyalətdə 411 dövlət qurumuna və təşkilatına, həmçinin 14 min 271 hüquqi şəxsə məxsus internet saytına icazəsiz daxil olub və onların təbliğat işləri ilə məşğul olduqları təşkilat adından maddi iddialar irəli sürüblər.

Ankara əyalət Polis İdarəsinin Antiterror Şöbəsinin əməkdaşlarının sözlərinə görə, Ankaranın 17 vilayətində şübhəli bilinən şəxslərin tutulması üzrə əməliyyatlar davam edir.

Whatsapp ilə göndər