Masallıda 37 sututarın bərpası yekunlaşmaq üzrədir

Tarix: 4 Sentyabr 2020 10:32

Bakı. Ceyhun Ələkbərov - Trend:

Masallıda 37 sututardan 24-ünün bərpası başa çatıb, digərlərində də işlər yaxın zamanlarda yekunlaşdırılacaq.

Bunu Trend-ə açıqlamasında Azərbaycan Meliorasiya və Su Təsərrüfatı ASC-nin nümayəndəsi Rəfael Məmmədov bildirib.

Onun sözlərinə görə, sututarların bərpasının oktyabr ayına yekunlaşacağı gözlənilir:

“Masallı rayonundakı sututarlar sovet dövründə inşa edildiyindən artıq yararsız hala düşmüşdü. Burada təmir-bərpa işləri aparılıb və yaxın vaxtlarda həmin sututarlar yenidən istifadəyə veriləcək. İşlər tam yekunlaşdıqdan sonra ümumilikdə 37 sututarda 8 milyon kub su yığılacaq ki, bu da 3230 hektar sahənin suvarılmasını tam təmin edəcək”.