Aktual mövzular: Dollar alış-satışı, Neftin qiyməti, COP29, Hava proqnozu

Azərbaycanda BMT-nin ekoloji kampaniyasına həsr olunan poçt markaları dövriyyəyə buraxılıb - FOTO

Azərbaycanda BMT-nin ekoloji kampaniyasına həsr olunan poçt markaları dövriyyəyə buraxılıb - FOTO

Tarix: 8 Sentyabr 2020 16:42

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən "Azərmarka" MMC Birləşmiş Millətlər Təşkilatının təşəbbüsü ilə dünyanın bir çox ölkələri tərəfindən birgə buraxılış kimi hazırlanmış "ACT NOW" (İndi hərəkətə keç) mövzusunda poçt markalarını dövriyyəyə buraxıb.

Nazirlikdən Sonxeber.net-a verilən məlumata görə, "İndi hərəkətə keç" kampaniyası 2018-ci ilin dekabr ayında BMT-nin iqlim dəyişikliyinə həsr olunan konfransında ser Devid Attenboro tərəfindən başladılıb. Kampaniya insanları gün ərzində 10 sadə qaydaya əməl etməklə dünyadakı iqlim böhranının qarşısının alınmasında iştiraka ruhlandırmaq məqsədi daşıyır. Buraya sağlam qida, suya qənaət, avtomobilsiz həyat tərzi, tullantıların təkrar emalı və s. daxildir.

10 markadan ibarət kiçik vərəq şəklində hazırlanmış buraxılış Belarus Respublikasının Bobruysk şəhərində 10000 vərəq tirajla buraxılıb. Bununla yanaşı, 200 ədəd Birinci gün zərfi də hazırlanıb.


Etiketlər:  Azərbaycanda ekoloji kampaniyasına həsr olunan poçt markaları dövriyyəyə buraxılıb FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ