Aktual mövzular: Dollar alış-satışı, Neftin qiyməti, COP29, Hava proqnozu

Avropa Komissiyasından avtomobil sənayesinə ağır zərbə

Tarix: 15 Sentyabr 2020 22:20

Avropa Komissiyası təzə avtomobillərin atmosferə buraxdığı karbon qazını 2030-cu ilə qədər əvvəl nəzərdə tutulan 37,5 faiz əvəzinə 50 faiz azaltmaq haqda qərar qəbul edib.

Sonxeber.net ted.az-a istinadən bildirir ki, bu hədəfə nail olmaq üçün bütövlükdə istehsalın strukturunun əhəmiyyətli dərəcədə dəyişdirilməsi lazım gələcək.

Aparıcı avtomobil istehsalçıları bu qərardan çox narahatdırlar, lakin Avropa İttifaqında ekoloji hərəkatın fəalları karbon qazı tullantılarının məhz 50 faiz azaldılmasını israrla tələb edirlər.

Avropa Komissiyası bu ambisiyalı planın təfsilatı barədə gələn həftə ictimaiyyətə, ilk növbədə, avtomobil sənayesinə məlumat verməlidir.

Komissiyanın dərc olunmuş sənədində bildirilir ki, bu qərarın məqsədi həllinə artıq bu gün başlamaq mümkün olan problemləri Avropa sakinlərinin gələcək nəsillərinə miras qoymamaqdır.

Whatsapp ilə göndər