Aktual mövzular: Dollar alış-satışı, Neftin qiyməti, COP29, Hava proqnozu

Avropa Birliyi nəhəng şirkətlər üzərində nəzarəti sərtləşdirəcək

Avropa Birliyi nəhəng şirkətlər üzərində nəzarəti sərtləşdirəcək

Tarix: 22 Sentyabr 2020 15:15

Avropa Komissiyası “Google”, “Amazon”, “Facebook” və “Apple” kimi böyük rəqəmli şirkətlər üzərində nəzarəti gücləndirmək niyyətindədir. Bu haqda “Financial Times” qəzeti yazıb.

 

“ICTnews” Elektron Xəbər Xidməti “hightech.fm” saytına istinadən yazır ki, daxili bazar üzrə Avropa komissarı Tyerri Breton qəzetə belə deyib.

 

O bildirib ki, bazarda fəaliyyət göstərən böyük şirkətlərin üstün mövqeyi istifadəçilərin və ya daha kiçik rəqiblərin maraqlarını təhdid edərsə, Avropa Birliyi ölkələri həmin şirkətlərə müqavimət göstərmək səlahiyyəti ilə təmin ediləcək.

 

Onun sözlərinə görə, yeni nəzarət qaydaları hazırlanır. Təkliflər razılaşdırıldıqdan sonra onların Avropa Parlamenti və Avropa Şurası tərəfindən təsdiqlənməsi lazımdır. Belçikanın “Belga” agentliyinin məlumatına görə, qaydalar cari ilin sonunadək təqdim ediləcək. Həmin qaydalara, həmçinin dezinformasiya və şəxsi məlumatların qorunması ilə mübarizə tədbirləri də daxildir.

 

Bundan əvvəl Avropa orqanları bir sıra korporasiyalar barəsində araşdırma keçiriblər. Onlardan bəziləri cərimələnib.

 

Emil Hüseynov




Etiketlər:  Avropa Birliyi nəhəng şirkətlər üzərində nəzarəti sərtləşdirəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ