Aktual mövzular: Dollar alış-satışı, Məzənnə, Neftin qiyməti

"Füzuli cəbhəsində ağır itkilər verərən düşmən ordusu artıq iflic olub"

Tarix: 19 Oktyabr 2020 12:57

İşğalçı və terrorçu Ermənistan ordusu bütün cəbhə boyu ağ bayraq qaldıraraq təslim olmaq ərəfəsindədir. Füzuli cəbhəsində ağır itkilər verərək məğlubiyyətə uğrayan düşmən ordusu artıq iflic olub. Şəxsi heyəti tükənib və ruh düşkünlüyü işğalçıda pik həddə çatıb. Bütün bunlar isə Ermənistan əhalisində Paşinyan hökumətinə qarşı hiddəti artırıb. Artıq valideyinlər öz övladlarını orduya buraxmaq istəmir və müxtəlif bəhanələrlə yayındırırlar.

Milli.Az bildirir ki, bunu Trend-ə açıqlamasında Prezident yanında QHT-lərə Dövlət Dəstəyi Şurasının üzvü, BMAM sədri, siyasi elmlər üzrə fəlsəfə doktoru Rufiz Qonaqov deyib.

R.Qonaqov bildirib ki, işğalçı Ermənistanda əsgərlər arasında fərarilik halları baş alıb gedir, cəza hallarının tətbiqi praktikası belə heç bir nəticə vermədən hakimiyyətə nifrəti daha da artırır:

"Cəbhədə ardıcıl məğlubiyyət əhalinin sosial iqtisadi vəziyyətini Ermənistanda daha da dərinləşdirir ki, buda hazırki Paşinyan hakimiyyətinə qarşı narazıların və əks qütbdə duranların yeni revanşına səbəb olur.
Ermənistanda hazırkı şərait Paşinyan hakimiyyətinə mövcud vəziyyətlə barışmağı diqtə edir".

Milli.Az

Whatsapp ilə göndər