Soğan çayının faydaları: Onu hazırlamaq üçün…

Tarix: 24 Oktyabr 2020 18:30

Soğanın özü kimi çayı da insan orqanizmi üçün faydalıdır.

Sonxeber.net lent.az-a istinadən bildirir ki, bu bitkidən hazırlanan çay immuniteti gücləndirir, həzmi normallaşdırır, vücud yağlarını əridir. Xərçəng xəstəliyinin müalicəsində effektli hesab olunan bu çay, astma xəstəliyinin şiddətini də azaldır. Soğan çayı maddələr mübadiləsini sürətləndirir, infarkt riskini azaldır. Soyuqdəymə üçün də effektli içkidir.

Soğan çayı necə hazırlanır?

Bunun üçün soğanın qabıqları ayrılır. Qabıqlar bir kasa içinə qoyularaq 200 millilitr qaynadılmış su əlavə edilir. Üzərini örtərək 15 dəqiqə gözlədin. Bu qabıqları həmçinin qara və yaşıl çay ilə birlikdə dəmləyə bilərsiniz. Effektini görmək üçün isə soğan çayını hər səhər yeməkdən yarım saat öncə içməlisiniz.