Aktual mövzular: Dollar alış-satışı, Məzənnə, Neftin qiyməti

Londonda Baş nazirin ofisi qarşısında Gəncə terroruna etiraz

Londonda Baş nazirin ofisi qarşısında Gəncə terroruna etiraz

Tarix: 27 Oktyabr 2020 14:48

Londonda yaşayan azərbaycanlılar Böyük Britaniyanın Baş naziri Boris Consonun ofisinin qarşısında icazəli aksiya keçirib. Aksiya zamanı Gəncə şəhərində işğalçı Ermənistan ordusunun terror aktı törətməsi, mülki şəxslərin, o cümlədən azyaşlı uşaqların və qadınların qətlə yetirilməsi, mülki obyektlərin dağıdılması pislənib.

Diasporla İş üzrə Dövlət Komitəsindən Milli.Az-a verilən məlumata görə, Azərbaycan icmasının təşəbbüsü ilə keçirilən aksiyada türk icmasının təmsilçiləri və şəhər sakinləri də iştirak edib.

Əllərində Gəncə terrorunun qurbanlarının adları yazılan plakatlar tutan aksiya iştirakçıları, onların xatirəsini bir dəqiqəlik sükutla yad ediblər.

Aksiya iştirakçıları "Qarabağ Azərbaycandır!", "Erməni təcavüzünə son qoyun!" kimi şüarlar, ingilis dilində bəyanatlar səsləndirib, Boris Consonu və Britaniya ictimaiyyətini mülki şəxslərin, xüsusi ilə də uşaqların qətlə yetirilməsinə biganə qalmamağa çağırıblar. Ermənilərin təxribatçı cəhdlərinə baxmayaraq, aksiya insidentsiz başa çatıb.

Milli.Az


Etiketlər:  Londonda Baş nazirin ofisi qarşısında Gəncə terroruna etiraz


RƏYLƏR



Populyar Xəbərlər

XƏBƏR LENTİ