Aktual mövzular: Dollar alış-satışı, Məzənnə, Neftin qiyməti

“Lenovo Legion Slim 7” noutbuku “AMD Ryzen 9 4900H” prosessoru ilə təchiz edilib

“Lenovo Legion Slim 7” noutbuku “AMD Ryzen 9 4900H” prosessoru ilə təchiz edilib

Tarix: 27 Oktyabr 2020 20:48

"Lenovo" şirkəti oyun həvəskarları üçün layihələndirilən "Legion Slim 7" portativ kompüterini satışa çıxarmağa hazırlaşır.

Milli.Az ictnews.az-a istinadən bildirir ki, noutbuk "AMD" aparat platforması üzərində qurulub. Maksimal konfiqurasiya 4,4 giqahersədək dinamik artırılma imkanına malik 3,3 giqaherslik tezlikdə işləyən 6 nüvəli (16 təlimat axını) "Ryzen 9 4900H" prosessorundan istifadəni nəzərdə tutur.

Yeni qurğu təsvir ölçüsü daha bahalı versiyalarda 3840 × 2160 piksel (4К formatı) təşkil edən 15,6 düym diaqonallı ekranla təchiz edilib. Qrafika emalı "NVIDIA GeForce RTX 2060" diskret sürətləndiricisi tərəfindən həyata keçirilir.

Kompüter 32 giqabaytlıq "DDR4-3200" operativ yaddaş və 2 terabayt tutumlu sürətli "PCIe NVMe" bərkcisimli toplayıcısı ilə təchiz olunub. Həmçinin "Killer AX1650 Wi-Fi" və "Bluetooth 5.1" simsiz rabitə adapterləri, 2 vatlıq stereodinamiklər, işıqlı klaviatura və barmaq izi skaneri sadalanır.

Mövcud çıxışlar kimi iki "USB 3.2 Gen2 Type-C" və "USB 3.2 Gen2 Type-A" portu, 3,5 millimetrlik audioçıxış və "SD" oxucusu göstərilir. Noutbuka "Windows 10" əməliyyat sistemi quraşdırılıb.

Yeni qurğunun oktyabrın sonunadək 1370 dollara satışa çıxarılması planlaşdırılır.

Milli.Az


Etiketlər:  Lenovo Legion Slim 7 noutbuku AMD Ryzen 9 4900H prosessoru ilə təchiz edilib


RƏYLƏR



Populyar Xəbərlər

XƏBƏR LENTİ