Aktual mövzular: Dollar alış-satışı, Məzənnə, Neftin qiyməti

Müalicə olunmamış qripin təhlükəli ağırlaşmaları var-Bu əlamətlər varsa, özünümüalicə ilə məşğul olmayın!

Tarix: 31 Oktyabr 2020 19:51

İnsanların bir çoxu qripi çox yüngül, adi bir xəstəlik kimi təqdim etsələr də, əslində belə deyil. Qrip ağır xəstəlikdir və onun ağırlaşması ağır fəsadlara, hətta ölümə səbəb ola bilər. Pandemiya dövründə qripin daha təhlükəli olduğu bildirilir. Çünki COVİD-lə birgə qripin inkişafı orqanizmdə daha ağır nəticələr yarada bilər.

Səhiyyə Nazirliyinin İctimai Səhiyyə və İslahatlar Mərkəzi əhaliyə pandemiya dövründə qripdən qorunmaqla bağlı müraciət edib, bir sıra tövsiyələr açıqlayıb:

COVID-19 pandemiyası dövründə özünüzü qripdən qoruyun!

Vaxtında müalicə olunmamış qripin təhlükəli ağırlaşmaları var!

Əgər Sizdə aşağıdakı əlamətlər baş verərsə, qətiyyən özünümüalicə ilə məşğul olmayın, təcili həkimə müraciət edin!

Soyuqdəymə əlamətlərinin bir həftədən çox davam etməsi

Qulaqda ağrı və ifrazatın əmələ gəlməsi

Şiddətli baş ağrısının əmələ gəlməsi

Hərarətin 39,5 C və daha yuxarı qalxması

Təngəfəsliyin və xırıltılı tənəffüsün əmələ gəlməsi

Boğazda güclü ağrıların və ya öskürəyin bir həftədən çox davam etməsi, qatı bəlğəmin xaric olması.

Milli.Az

Whatsapp ilə göndər