Aktual mövzular: Dollar alış-satışı, Məzənnə, Neftin qiyməti

ÜST COVID-19-dan sağalan insanlarda koronavirusun uzunmüddətli təsiri barədə xəbərdarlıq etdi

Tarix: 1 Noyabr 2020 11:42

Koronavirusdan sağalan insanlarda virus həyati vacib orqanlara uzunmüddətli təsirini qoyur.

Milli.Az oxu.az-a istinadən bildirir ki, bu barədə Ümumdünya Səhiyyə Təşkilatının (ÜST) Prezidenti Tedros Adanom Qebreyesus xəbərdarlıq edib.

Onun sözlərinə görə, bu simptomlar zaman keçdikcə dəyişir və pisləşməyə doğru gedir.

ÜST rəhbərinin sözlərinə görə, söhbət yorğunluq, öskürək, tənəffüs çətinliyi, iltihab, həmçinin ağciyər və ürək daxil olmaqla əsas orqanların zədələnməsindən gedir.

Qebreyesus COVID-19-dan sağalmanın yavaş ola biləcəyini, həftələr və hətta aylar çəkə biləcəyini bildirdi.

O həmçinin bildirib ki, mənfi nəticələr həm xəstəxanada, həm də evdə müalicə alanlarda, yaşından və cinsiyyətindən asılı olmayaraq eyni dərəcədə özünü göstərir.

Təşkilatın baş direktoru uzunmüddətli nəticələrdən əziyyət çəkən insanların sayının hələ müəyyənləşmədiyini qeyd edib.

Milli.Az

Whatsapp ilə göndər