Aktual mövzular: Dollar alış-satışı, Neftin qiyməti, COP29, Hava proqnozu

''Biz Ermənistana dəfələrlə demişik ki, münaqişə Azərbaycanın ərazi bütövlüyü çərçivəsində həll olunmalıdır'' - İranlı səfir

Tarix: 4 Noyabr 2020 15:21

İran Dağlıq Qarabağ münaqişəsinin beynəlxalq hüququn prinsipləri çərçivəsində həllini dəstəkləyir.

Sonxeber.net Trend-ə istinadən bildirir ki, bunu jurnalistlərə açıqlamasında İranın Azərbaycandakı səfiri Seyid Abbas Musəvi deyib.

Səfir bildirib ki, İran münaqişənin həlli ilə bağlı məsələdə hər zaman eyni mövqedən çıxış edib. Bu məsələ beynəlxalq aləmin qəbul etdiyi hüquq prinsipləri çərçivəsində həll olunmalıdır. Ermənistan İranla qonşu olsa da, biz onlara dəfələrlə demişik ki, Dağlıq Qarabağ məsələsi beynəlxalq qanunların qoyduğu tələblər əsasında, Azərbaycanın ərazi bütövlüyü çərçivəsində həll olunmalıdır. Artıq bununla bağlı İranın Ali Rəhbəri tərəfindən münasibət bildirilib. Ali Rəhbərin "Azərbaycanın Ermənistan tərəfindən işğal olunmuş ərazilərinin hamısı azad edilməlidir və bütün bu ərazilər Azərbaycana qaytarılmalıdır" fikri İran hökumətinin məsələ ilə bağlı münasibətini bir daha ortaya qoyur.

Whatsapp ilə göndər