Aktual mövzular: Dollar alış-satışı, Neftin qiyməti, COP29, Hava proqnozu

Azərbaycan gimnastları Kiyevdə Avropa Çempionatının finalına çıxıb

Azərbaycan gimnastları Kiyevdə Avropa Çempionatının finalına çıxıb

Tarix: 26 Noyabr 2020 20:52

Bakı. Cani Babayeva - Trend:

Azərbaycanın qrup hərəkətləri komandası Kiyevdə keçirilən bədii gimnastika üzrə 36-cı Avropa Çempionatının finalına vəsiqə qazanıb.

Trend-in məlumatına görə, Ləman Əlimuradova, Zeynəb Hümmətova, Yelizaveta Luzan, Məryəm Səfərova və Darya Sorokinanın yer aldığı komandamız 5 topla hərəkətlərdə 34.600 xal toplayaraq finala çıxıblar.

Qeyd edək ki, Azərbaycan komandası bu gün qrup hərəkətlərində iştirak edən bütün komandalar arasında ən yaxşı nəticəni göstərib.

Belə ki, 5 topla hərəkətlərdə İsrail komandası 34.100 xal, Estoniya komandası 32.000 xal, Ukrayna komandası 32.000 xal, Türkiyə komandası 31.900 xal, Fransa komandası isə 29.250 xal toplayıb.

Xatırladaq ki, bədii gimnastika üzrə Avropa Çempionatı 26-29 noyabr tarixlərində Ukraynanın paytaxtı Kiyevdə keçirilir. Azərbaycanı çempionatda 11 gimnastımız təmsil edir.


Etiketlər:  Azərbaycan gimnastları Kiyevdə Avropa Çempionatının finalına çıxıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ