Aktual mövzular: Dollar alış-satışı, Məzənnə, Neftin qiyməti

İstiləşmə hamiləlikdə bu riskləri artırır

İstiləşmə hamiləlikdə bu riskləri artırır

Tarix: 28 Noyabr 2020 22:45

İqlim dəyişikliyi səbəbindən qlobal istiləşmənin hamiləlik riskini artırdığı məlum olub.

Milli.Az e-tibb.az-a istinadən bildirir ki, bu, yeni aparılan araşdırmadan sonra məlum olub. 7-si aşağı və orta gəlir səviyyəli olan 24 ölkədə aparılmış 70 tədqiqatın nəticəsi qiymətləndirilib. Tədqiqat göstərib ki, havanın hər dərəcə artması erkən doğuş və dölün düşmə ehtimalını orta hesabla 5 faiz, uzun müddətli isti isə vaxtından əvvəl doğum ehtimalını 16 faiz artırır.

Mütəxəssislər, 28 tədqiqatdan 18-də dölün ağırlığı və istiyə məruz qalma, 47 araşdırmanın 40-nın istiyə məruz qalma nəticəsində erkən doğum olduğunu qeyd ediblər.

Yüksək temperaturun erkən doğuşa, hamiləliyə təsirinin daha çox aşağı və orta gəlirli ölkələrdə müşahidə edildiyi bildirilib. Tədqiqatın hamilə qadınların temperaturla əlaqəli şərtlər daxilində yüksək risk qrupları arasında olduğunu ortaya qoyduğu vurğulanıb.

Bir daha qeyd olunub ki, hamiləlik ürəyin daha çox işləməsi, daxili istiliyin artması, temperatur stresi, yorğunluq və maye itkisinə səbəb olur, bütün bunlara qarşı daha həssas olmaq lazımdır.

Milli.Az


Etiketlər:  İstiləşmə hamiləlikdə bu riskləri artırır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ