Aktual mövzular: Dollar alış-satışı, Məzənnə, Neftin qiyməti

NATO Əfqanıstanda qalmasına dair qərarı 2021-ci ilin əvvəlində verəcək

NATO Əfqanıstanda qalmasına dair qərarı 2021-ci ilin əvvəlində verəcək

Tarix: 2 Dekabr 2020 02:50

Bakı. Trend:

NATO Əfqanıstandakı "Rəşadətli Dəstək" missiyasının gələcəyinə dair qərarı ittifaqın müdafiə nazirləri toplantısında 2021-ci ilin fevral ayında q\bul edəcək.

Trend-in TASS-a istinadən verdiyi məlumata görə, bunu NATO-nun baş katibi Yens Stoltenberq alyansa üzv ölkələrin xarici işlər nazirlərinin video konfransından sonra keçirilən mətbuat toplantısında deyib.

"Əfqanıstanla bağlı [NATO-nun missiyasının gələcəyi], 2021-ci ilin fevralında Brüsseldə keçiriləcək müdafiə nazirlərinin növbəti iclasında çətin qərar verməliyik. Ancaq nə olursa olsun verdiyimiz qərar koordinasiyalı və nizamlı bir şəkildə həyata keçirilməlidir", - Stoltenberq bildirib.

Xatırladaq ki, daha əvvəl Baş katib ABŞ-ın Əfqanıstandakı "Taliban" hərəkatı ilə müqaviləsinə uyğun olaraq hərbçilərinin sayını azaltmağa qərar verib, buna baxmayaraq alyansın "Rəşadətli Dəstək" təlim missiyası əvvəlki konfiqurasiyada davam etdiriləcək və Vaşinqton bu missiyanı dəstəkləmək üçün tibbi, avianəqliyyat, kəşfiyyat və digər imkanlarını özündə saxlayacaq.


Etiketlər:  NATO Əfqanıstanda qalmasına dair qərarı 2021 ci ilin əvvəlində verəcək


RƏYLƏR



Populyar Xəbərlər

XƏBƏR LENTİ