Aktual mövzular: Dollar alış-satışı, Neftin qiyməti, COP29, Hava proqnozu

Məşhur futbolçular marixuana yetişdirmək üçün sərmayə yatıracaq

Tarix: 3 Dekabr 2020 10:46

Almaniya millisinin sabiq futbolçuları Andre Şürrle və Mario Götze biznesdə özlərini sınamaq qərarına gəliblər.

Sonxeber.net apasport.az-a istinadla bildirir ki, cütlük tibb sahəsinə yatırım edəcək.

Məsələ burasındadır ki, Şürrle və Götze "Sanity Group"a investisiya qoymaq fikrinə düşüb. Berlin şirkəti tibbi məqsədlər üçün marixuana yetişdirməklə məşğuldur. 2014-cü ildə yığma ilə dünya çempionu olan tanınmış futbolçular şirkət nümayəndələri ilə danışıq aparıb və layihənin inkişafında iştirak etməyə hazır olduqlarını vurğulayıblar. Şirkətin başqa bir neçə məşhur sərmayəçisi də var.

Qeyd edək ki, Andre Şürrle 29 yaşında karyerasını başa vurub. Mario Götze isə Niderlandın PSV klubunda çıxış edir.

Whatsapp ilə göndər