Aktual mövzular: Dollar alış-satışı, Neftin qiyməti, COP29, Hava proqnozu

Səfurə İbrahimovanın cənazəsi “Təzə Pir” məscidinə aparılıb - FOTO

Səfurə İbrahimovanın cənazəsi “Təzə Pir” məscidinə aparılıb - FOTO

Tarix: 22 Dekabr 2020 11:27

Xalq artisti Səfurə İbrahimovanın cənazəsi evindən götürülərək "Təzə Pir" məscidinə aparılıb.

Sonxeber.net APA-ya istinadən bildirir ki, "Təzə Pir" məscidində dini ayinlərin icrasından sonra Səfurə  İbrahimova torpağa tapşırılacaq.

Qeyd edək ki, Səfurə İbrahimova dünən axşam saatlarında vəfat edib.

Səfurə İbrahimova 1938-ci il dekabr ayının 27-də Bakıda doğulub. 1955-ci ildə 14 saylı orta məktəbi bitirib. 1955-1960-cı illərdə "Stalinneft"də, 44 saylı orta məktəbdə işləyib, dram dərnəyinə gedib. 1960-cı ildə Mirzağa Əliyev adına Azərbaycan Dövlət Teatr İnstitutunun dram və kino aktyorluğu fakültəsinə daxil olub. Birinci kursda oxuyarkən Akademik Milli Dram Teatrının repertuarında olan İslam Səfərlinin "Ana ürəyi" dramının tamaşasında Xatirə roluna dəvət edilib. Bundan sonra daha bir neçə rol oynayan tələbə-aktrisa 1961-ci il noyabr ayının 1-də Akademik teatrın truppasına daxil olub.

Səfurə İbrahimova "Sevil", "Arşın mal alan", "Bizim Cəbiş müəllim", "Tütək səsi", "Dərviş Parisi partladır", "Qaynana" və başqa filmlərdə yaratdığı bənzərsiz rolları ilə yaddaşlarda qalıb.

Allah rəhmət eləsin.


Etiketlər:  Səfurə İbrahimovanın cənazəsi Təzə məscidinə aparılıb FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ