Aktual mövzular: Dollar alış-satışı, Neftin qiyməti, COP29, Hava proqnozu

Dan Petresku Türkiyə klubunda

Tarix: 5 Yanvar 2021 14:56

Türkiyənin "Kayserispor" klubunun yeni baş məşqçisi müəyyənləşib.

Sonxeber.net qol.az-a istinadən xəbər verir ki, Superliqa təmsilçisini Dan Petresku çalışdıracaq. Bu barədə klubun mətbuat xidməti məlumat yayıb. Rumın mütəxəssislə 2.5 illik müqavilə imzalanacağı gözlənilir.

Qeyd edək ki, Petresku "Kayserispor"a bu mövsüm rəhbərlik edən üçüncü məşqçi olacaq. Superliqada geridə qalan 16 tur ərzində cəmi 10 xal toplamış "Kayserispor" 21 kollektiv arasında sonuncu pillədə qərarlaşıb.

Əlavə edək ki, Dan Petreskunun sonuncu iş yeri ötən mövsüm çalışdırdığı ÇFR (Kluj) olub. 53 yaşlı mütəxəssis "Rapid" (Buxarest), "Visla" (Krakov), "Kuban" (Krasnodar), "Dinamo" (Moskva) kimi klublarda da baş məşqçi olub.

Whatsapp ilə göndər