Aktual mövzular: Dollar alış-satışı, Neftin qiyməti, COP29, Hava proqnozu

UEFA ''Səbail''in oyununa təyinatları açıqladı

Tarix: 15 Iyul 2019 14:48

Avropa Liqasının 1-ci təsnifat mərhələsində "Səbail" və "Universitatya" komandaları arasında keçiriləcək cavab oyununa hakim təyinatları açıqlanıb.

Qol.az-ın UEFA-nın rəsmi saytına istinadən yaydığı xəbərə görə, Rumıniyadakı görüş islandiyalı hakimlər briqadasına həvalə olunub.

Matçı Helgi Mikael Yonasson idarə edəcək. Onun köməkçiləri Yohann Qudmundsson və Bringeir Valdimarsson olacaq. Dördüncü hakim funksiyasını isə İvar Orri Kristyansson yerinə yetirəcək.

Qeyd edək ki, iyulun 18-də keçiriləcək "Universitatya" - "Səbail" oyunu Bakı vaxtı ilə 20:00-da başlayacaq. Komandalar arasında paytaxtımızda keçirilən ilk matç təmsilçimizin 2:3 hesablı məğlubiyyəti ilə başa çatıb.