Aktual mövzular: Dollar alış-satışı, Neftin qiyməti, COP29, Hava proqnozu

Fransada komendant saatının vaxtı uzadıldı

Fransada komendant saatının vaxtı uzadıldı

Tarix: 8 Yanvar 2021 13:50

Koronavirus (COVID-19) epidemiyasına qarşı mübarizə çərçivəsində Fransada tətbiq olunan komendant saatı uzadılıb. "Qafqazinfo" xəbər verir ki, yanvarın 6-da bitəcək olan məhdudiyyətlər 20-dək davam edəcək.

Sonxeber.net qafqazinfo-ya istinadən xəbər verir ki, bu barədə ölkənin Baş naziri Jan Kasteks məlumat verib. O, keçirdiyi mətbuat konfransında vəziyyətin son həftələrdə daha da pisləşdiyini açıqlayıb.  Kasteks ölkənin 10 yeni bölgəsində küçəyə çıxma qadağasının saat 20:00 əvəzinə 18:00-da başlayacağını bildirib.

Baş nazir lazım olduğu təqdirdə karantin tətbiqinin üçüncü dəfə elan edilə biləcəyini qeyd edib. Kasteks məktəblərin bağlanmasını son seçim kimi qəbul etdiklərini söyləyib.

Epidemiyanın yaya qədər bitəcəyinə ümid etdiyini söyləyən nazir peyvəndləmənin Fransada digər Avropa ölkələrinə nisbətən daha yavaş başladığını, ancaq sürətləndiyini qeyd edib.

Baş nazir muzeylərin, kinoteatr və teatr salonlarının "COVID-19" səbəbilə ayın sonuna qədər bağlı qalmağa davam edəcəyini bildirib.


Etiketlər:  Fransada komendant saatının vaxtı uzadıldı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ