Aktual mövzular: Dollar alış-satışı, Məzənnə, Neftin qiyməti
Tarix: 9 Yanvar 2021 13:12
Bakı. Samir Əli - Trend:
Cəlilabadda narkotik alverçisi yaxalanıb.
Daxili İşlər Nazirliyindən Trend-ə verilən məlumata görə, Cəlilabad RPŞ əməkdaşlarının daxil olmuş məlumat əsasında keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən Masallı rayon sakini C.Şükürov saxlanılıb. Şəxsi axtarış zamanı ondan 8 qrama yaxın marixuana aşkar edilərək götürülüb.
Davam etdirilən əməliyyat-axtarış tədbirləri ilə ona məxsus yardımçı təsərrüfata baxış zamanı isə oradan da əlavə 5 kiloqramdan artıq marixuana götürülmüşdür.