Aktual mövzular: Dollar alış-satışı, Neftin qiyməti, COP29, Hava proqnozu

''Qarabağ'' dünyanın ən yaxşı klubları siyahısında

Tarix: 19 Yanvar 2021 13:06

Beynəlxalq Futbol Tarixi və Statistikaları Federasiyasının (İFFHS) dünyanın ən yaxşı futbol klublarının yeni reytinq siyahısı tərtib edib.

Sonxeber.net qol.az-a istinadən xəbər verir ki, 2020-ci ilin yekunlarına əsasən tərtib edilən siyahıda ölkəmiz yalnız bir komanda - "Qarabağ"la təmsil olunub. 80 xalı olan Ağdam təmsilçisi 147-ci pillədə qərarlaşıb. "Qarabağ"la bu pilləni "Sauthempton" (İngiltərə), "Atletiko Mineyro" (Braziliya), "Viktoriya" (Çexiya) və "Penyarol"la (Uruqvay) bölüşdürür.

Qurban Qurbanovun baş məşqçisi olduğu komanda dünyanın ən yaxşı 401 klubunun yer aldığı siyahıda "Everton", "Nyukasl" (hər ikisi İngiltərə), "Xetafe", "Selta", "Valensiya" (hamısı İspaniya), "Beşiktaş", "Fənərbaxça", "Alanyaspor" (hamısı Türkiyə) kimi klubları qabaqlayıb.

Qeyd edək ki, siyahıya 260 xalla "Bavariya" başçılıq edir. "Palmeyros" (Braziliya) 230 xalla 2-ci, PSJ 226 xalla 3-cüdür.

Qeyd edək ki, "Qarabağ" 2019-cu ildə bu siyahıda 80-ci pillədə qərarlaşmışdı.

Whatsapp ilə göndər