Aktual mövzular: Dollar alış-satışı, Neftin qiyməti, COP29, Hava proqnozu

O VİDEOdakı əsgər Kəlbəcərdə vəfat edən Fətulla imiş...

Tarix: 31 Yanvar 2021 15:36

Vətən müharibəsi zamanı sosial şəbəkələrdə ən çox paylaşılan videolardan biri də indi təqdim edəcəyimiz görüntülər idi. Həmin pozitiv görüntülərdə kartof soyan əsgərimizin yanındakı küçüyü əzizləməsi rəğbətlə qarşılanmışdı.

Sonxeber.net qafqazinfo-ya istinadən xəbər verir ki, sözügedən videodakı əsgər iki gün öncə səhhətində yaranan problem səbəbi ilə Kəlbəcərdə vəfat edən Siracov Fətulla Qasım oğludur. O, ötən gün Şabranın Gəndov kəndində torpağa tapşırılıb. Məlumat üçün bildirək ki, 19 yaşlı Fətulla Siracov evin tək oğlu, üç bacının bir qardaşı olub.

Onun hərbi xidmət müddəti ötən ilin oktyabrında başa çatmalı olsa da, Vətən müharibəsinə görə tərxis edilməyib. Mərhələli şəkildə tərxis edilməli olan əsgər Siracov bu ilin fevralında evinə qayıdacaqdı.

Qeyd edək ki, Fətulla Siracov Prezidentin sərəncamı ilə "Kəlbəcərin azad olunmasına görə" medalı ilə təltif edilib.

Whatsapp ilə göndər