Aktual mövzular: Dollar alış-satışı, Neftin qiyməti, COP29, Hava proqnozu

Veteran güləşçimiz 50 yaşında vəfat edib

Veteran güləşçimiz 50 yaşında vəfat edib

Tarix: 2 Fevral 2021 18:24

Fevralın 1-də veteran güləşçi Rövşən Əkbəri vəfat edib.

Sonxeber.net apasport.az-a istinadla bildirir ki, o, 50 yaşında dünyasını dəyişib. 

17 sentyabr 1971-ci ildə anadan olan R.Əkbəri 1982-ci ildən sərbəst güləş üzrə məşqlərə başlayıb. 1984-89-cu illərdə Respublika Olimpiya İdman Liseyində (ROİL) orta təhsilini davam etdirib. 1989-93-cü illərdə isə Azərbaycan Dövlət Bədən Tərbiyəsi və İdman İnstitutunda ali təhsil alıb.

Aktiv idmanla məşğul olduğu müddət ərzində dəfələrlə yeniyetmələr, gənclər, eləcə də böyüklər arasında mütləq çəkidə Azərbaycan çempionu, "Məhsul" KKİC-in Mərkəzi Şurasının qalibi olub. 1991-ci ildə isə SSRİ xalqlarının sonuncu Spartakiadasının gümüş medalını qazanıb. 

İdmançı karyerasını bitirdikdən sonra da idman sahəsində fəaliyyətini davam etdirib. Uzun müddət Şamaxı rayon Uşaq-Gənclər İdman Məktəbinin direktoru vəzifəsində və məşqçi kimi çalışıb.


Etiketlər:  Veteran güləşçimiz yaşında vəfat edib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ