Aktual mövzular: Dollar alış-satışı, Neftin qiyməti, COP29, Hava proqnozu

ABŞ xaricdən qaçqınların qəbulu üzrə kvotanı artıracaq

Tarix: 5 Fevral 2021 09:56

ABŞ-ın yeni administrasiyası xaricdən qaçqın qəbulu üçün kvotanı artırmaq və bu il 125 min nəfərə çatdırmaq niyyətindədir.

Sonxeber.net APA-ya istinadən bildirir ki, bunu prezident Co Bayden ABŞ Dövlət Departamentində ölkənin xarici siyasətinin əsas istiqamətləri ilə bağlı etdiyi çıxışında açıqlayıb.

"Bu gün misilsiz qlobal ehtiyacların ödənilməsinə kömək məqsədilə qaçqınların qəbuluna dair proqramın yenidən bərpası ilə bağlı ağır işlərə başlanılması üçün fərman imzalayacam. Ciddi ziyan vurulmuş bu işi bərpa etmək üçün vaxt lazımdır. Ancaq bu, etməyi düşündüyümüz bir işdir. Fərman ABŞ administrasiyasının birinci tam maliyyə ilində (oktyabrın 1-dən başlayacaq - Red.) 125 min nəfər qaçqının qəbulu ilə bağlı kvotanı bərpa etməyə imkan verəcək", - deyə amerikalı lider bildirib.

Qeyd edək ki, keçmiş prezident Donald Trampın rəhbərliyi dövründə qaçqınların qəbulu kvotası 2016-cı maliyyə ili üzrə 85 mindən 2021-ci maliyyə ili üzrə 15 minədək endirilmişdi ki, bu da 1980-ci ildə qaçqınlarla bağlı qanunun qəbul edilməsindən bəri ən aşağı göstəricidir.

Whatsapp ilə göndər